Results 1 to 14 of 14

Thread: -=- Deewan-e-Ghalib -=-

  1. #1
    ● Positive & Inspired ● Major Singh_king's Avatar
    Join Date
    Oct 2008
    Posts
    5,711
    Rep Power
    48

    Smile -=- Deewan-e-Ghalib -=-




    I am a great fan of his....Pls dont forget to correct me if a mistake occurs...Thanks.



  2. #2
    ● Positive & Inspired ● Major Singh_king's Avatar
    Join Date
    Oct 2008
    Posts
    5,711
    Rep Power
    48

    Lightbulb A sonnet....:)

    aa, ki meree jaan ko qaraar naheeN hai
    taaqat-e-bedaad-e-intazaar naheeN hai

    dete haiN jannat hayaat-e-dahar ke badle
    nashsha ba_andaaza-e-KHummaar naheeN hai


    giriya nikaale hai teree bazm se mujh ko
    haay ! ki roone pe iKHtiyaar naheeN hai


    hamse 'abas hai gumaan-e-ranjish-e-KHaatir
    KHaak meiN ushshaaq kee GHubaar naheeN hai


    dil se uThaa lutf-e-jalva haay ma'anee
    GHair-e-gul aainaa-e-bahaar naheeN hai

    qatl ka mere kiya hai 'ahad to baare
    waae ! akhar 'ahad ustuwaar naheeN hai

    toone qasam mai_kashee kee khaaee hai 'GHalib'
    teree qasam ka kuchch 'eitbaar naheeN hai !



    [ qaraar = rest/repose, bedaad = injustice ];[ hayaat = life, dahar = world, ba_andaaza = according to,KHummaar = intoxication ];[ giriya = weeping, iKHtiyaar = control ];[ 'abas = indifferent, gumaan = suspicion, ranjish = unpleasantness, KHaak = ashes/dust, ushshaaq = lovers, GHubaar = clouds of dust ];[ ma'anee = meanings, GHair-e-gul = blossoms ];[ 'ahad = promise, baare = at last, ustuwaar = frim/determined ];[ mai_kashee=boozing, 'eitbaar = trust/faith ]

  3. #3
    ● Positive & Inspired ● Major Singh_king's Avatar
    Join Date
    Oct 2008
    Posts
    5,711
    Rep Power
    48

    Lightbulb Dil-e-nadaan tuje hua kya hai

    dil-e-naadaaN tujhe huaa kya hai ?
    aaKHir is dard kee dawa kya hai

    ham haiN mushtaaq aur woh bezaar
    ya ilaahee ! yeh maajra kya hai ?


    maiN bhee muNh meiN zabaan rakhta hooN
    kaash ! poocho ki "muddaa kya hai" ?

    jab ki tujh bin naheeN koee maujood
    fir ye hangaama, 'ei KHuda ! kya hai

    ye paree chehara log kaise haiN ?
    GHamza-o-ishwa-o-'adaa kya hai ?


    shikan-e-zulf-e-ambaree kyoN hai ?
    nigah-e-chashm-e-soorma sa kya hai ?


    sabja-o-gul kahaaN se aaye haiN ?
    abr kya cheez hai, hawa kya hai ?

    hamko unse wafa ki hai ummeed
    jo naheeN jaante wafa kya hai

    "haaN bhala kar tera bhala hoga"
    aur darvesh kee sada kya hai ?

    jaan tum par nisaar karta hooN
    maiN naheeN jaanata duaa kya hai

    maiNe maana ki kuchch naheeN 'GHalib'
    muft haath aaye to bura kya hai ?



    [ mushtaaq = interested, bezaar = displeased/sick of ];[ paree chehara = angel faced, GHamza = amorous glance, ishwa = coquetry ];[ shikan = wrinkel/fold, ambaree = fragrance, chashm = eye ];[ abr = clouds ];[ darvesh = beggar, sada = voice ]

  4. #4
    !ИV!И!LΣ Colonel invincible07's Avatar
    Join Date
    Aug 2007
    Location
    back in hell
    Posts
    18,128
    Rep Power
    71

    Default

    bro i already posted the thread on same
    http://forum.santabanta.com/showthread.htm?t=63900
    Lookin for the MAGIC

  5. #5
    ● Positive & Inspired ● Major Singh_king's Avatar
    Join Date
    Oct 2008
    Posts
    5,711
    Rep Power
    48

    Lightbulb Koee Umeed Bar nahin aatee

    koee ummeed bar naheeN aatee
    koee soorat nazar naheeN aatee

    maut ka ek din mu'ayyan hai
    neeNd kyoN raat bhar naheeN aatee ?


    aage aatee thee haal-e-dil pe haNsee
    ab kisee baat par naheeN aatee

    jaanta hooN sawaab-e-taa'at-o-zahad
    par tabeeyat idhar naheeN aatee


    hai kuchch 'eisee hee baat jo chup hooN
    warna kya baat kar naheeN aatee ?

    kyoN na cheeKHooN ki yaad karate haiN
    meree aawaaz gar naheeN aatee

    daaGH-e-dil gar nazar naheeN aata
    boo bhee 'ei chaaraagar ! naheeN aatee

    ham wahaaN haiN jahaaN se hamko bhee
    kuchch hamaaree KHabar naheeN aatee

    marte haiN aarzoo meiN marne ki
    maut aatee hai par naheeN aatee

    kaaba'a kis muNh se jaaoge 'GHalib'
    sharm tumko magar naheeN aatee


    [ mu'ayyan = definite ];[ sawaab = reward of good deeds in next life, taa'at = devotion, zahad = religious deeds or duties ];[ chaaraagar = healer/doctor ]

  6. #6
    Banned Lieutenant General
    Join Date
    Jul 2006
    Location
    in ur soul, just close ur eyes to see me!
    Posts
    47,209
    Rep Power
    0

    Default

    mr singh keep posting the gud work .........

  7. #7
    ● Positive & Inspired ● Major Singh_king's Avatar
    Join Date
    Oct 2008
    Posts
    5,711
    Rep Power
    48

    Smile

    Quote Originally Posted by invincible07 View Post
    bro i already posted the thread on same
    http://forum.santabanta.com/showthread.htm?t=63900
    Good things repeated becomes more vibrant Invi.....Its the bad ones which we have to take care of....


    To be contd.....

  8. #8
    ● Positive & Inspired ● Major Singh_king's Avatar
    Join Date
    Oct 2008
    Posts
    5,711
    Rep Power
    48

    Lightbulb

    ishq mujhko naheeN, wehshat hee sahee
    meree wehshat, teree shohrat hee sahee


    qata`a keeje na ta`alluq ham se
    kuchch naheeN hai to `adaavat hee sahee


    mere hone meiN hai kya ruswaaee ?
    'ei woh majlis naheeN KHalwat hee sahee


    ham bhee dushman to naheeN haiN apne
    GHair ko tujh se mohabbat hee sahee

    apnee hastee hee se ho, jo kuchch ho !
    aagahee gar naheeN GHaflat hee sahee


    'umr harchand ke hai barq-e-KHiraam
    dil ke KHooN karne ki fursat hee sahee


    ham koee tarq-e-wafa karte haiN
    na sahee ishq, museebat hee sahee


    kuchch to de 'ei falak-e-na_insaaf
    aah-o-fariyaad ki ruKHasat hee sahee


    ham bhee tasleem kee KHoo Daalenge
    be_niyaazee teree `aadat hee sahee


    yaar se cheDa chalee jaay, 'Asad'
    gar nahee wasl to hasrat hee sahee



    [ wehshat = solitude, shohrat = fame ];[ qata'a = break/intercept, ta'alluq = relation/connection, 'adaavat = hatred/animosity ];[ majlis = assembly, KHalwat = isolation ];[ hastee = existence, aagahee = knowledge/information,
    GHaflat = negligence ];[ barq = lightning, KHiraam = manner of walking ];[ tarq = relinquishment ];[ falak = sky ];[ tasleem = greeting/saluting, KHoo = habit, be_niyaazee = independence ];[ wasl = meeting, hasrat = desire ]

  9. #9
    ● Positive & Inspired ● Major Singh_king's Avatar
    Join Date
    Oct 2008
    Posts
    5,711
    Rep Power
    48

    Lightbulb

    hazaaroN KHwahishaiN 'eisee ke har KHwahish pe dam nikle
    bohot nikle mere armaaN lekin fir bhee kam nikle

    Dare kyooN mera qaatil kya rahega uskee gardan par
    wo KHooN, jo chashm-e-tar se 'umr bhar yooN dam_ba_dam nikle


    nikalna KHuld se aadam ka sunte aayaiN haiN lekin
    bohot be_aabru hokar tere kooche se ham nikle


    bharam khul jaaye zaalim tere qaamat ki daraazee ka
    agar is turra-e-pur_pech-o-KHam ka pech-o-KHam nikle


    magar likhwaaye koee usko KHat, to hamse likhawaaye
    huee subah aur ghar se kaan par rakhkar qalam nikle


    huee is daur meiN mansoob mujhse baada_aashaamee
    fir aaya wo zamaana, jo jahaaN se jaam-e-jam nikle


    huee jinse tavaqqo KHastagee kee daad paane kee
    wo hamse bhee ziyaada KHasta-e-teGH-e-sitam nikle


    mohabbat meiN naheeN hai farq jeene aur marne kaa
    usee ko dekh kar jeete haiN jis kaafir pe dam nikle


    zara kar jor seene par ki teer-e-pursitam nikle
    jo wo nikle to dil nikle, jo dil nikle to dam nikle


    KHuda ke waaste parda na kaabe se uThaa zaalim
    kaheeN 'eisa na ho yaaN bhee wohee kaafir sanam nikle


    kahaaN maiKHaane ka darwaaza 'GHalib' aur kahaaN waaiz
    par itana jaante haiN kal wo jaata tha ke ham nikle



    [ KHooN = blood, chashm = eye, tar = wet, dam_ba_dam = continously ];[ KHuld = heaven, be_aabaru = disgrace, koocha = street ];[ daraazee = length/delay, qaamat = stature, turra = an ornamental tassel worn in the turban, pech-o-KHam = curls in the hair/complexity ];[ mansoob=association, baada_aashaamee = association with drinking ];[ tavaqqo = expectation, KHastagee = weakness, daad = justice, KHasta = broken/sick/injured, teGH = sword, sitam = cruelity ];[ waaiz = preacher/advisor ]
    Last edited by Singh_king; 25-12-2008 at 09:46 AM.

  10. #10
    ● Positive & Inspired ● Major Singh_king's Avatar
    Join Date
    Oct 2008
    Posts
    5,711
    Rep Power
    48

    Lightbulb Kuchh na hota to khuda hota

    na tha kuchch to KHuda tha, kuchch na hota to KHuda hota
    duboya mujhko hone ne, na hota maiN to kya hota ?

    huaa jab GHam se yooN behis to GHam kya sar ke kaTne ka
    na hota gar juda tan se to zaanooN par dhaRa hota


    huee muddat ke 'GHalib' mar gaya par yaad aata hai
    wo har ek baat pe kehana, ke yooN hota to kya hota ?



    [ behis = shocked/stunned, zaanooN = knee ];[ muddat = duration/period ]

  11. #11
    ● Positive & Inspired ● Major Singh_king's Avatar
    Join Date
    Oct 2008
    Posts
    5,711
    Rep Power
    48

    Lightbulb Fir mujhe deeda-e-tar yaad aaya

    fir mujhe deeda-e-tar yaad aaya
    dil jigar tashna-e-fariyaad aaya


    dam liya tha na qayaamat ne hanoz
    fir tera waqt-e-safar yaad aaya


    saadgee haay tamanna, yaanee
    fir wo nai_rang-e-nazar yaad aaya


    uzr-e-waamaaNdagee 'ei hasarat-e-dil
    naala karta tha jigar yaad aaya


    zindgee yoN bhee guzar hi jaatee
    kyoN tera raahguzar yaad aaya ?


    kya hee rizwaaN se laDaayee hogee
    ghar tera KHuld meiN gar yaad aaya


    aah woh jurat-e-fariyaad kahaaN
    dil se tang aake jigar yaad aaya


    fir tere kooche ko jaata hai KHayaal
    dil-e-gumgashta magar yaad aaya


    koee weeraanee-see-weeraanee hai
    dasht ko dekh ke ghar yaad aaya


    maiNne majnooN pe laDakpan meiN 'Asad'
    sang uTHaaya tha ki sar yaad aaya



    [ deeda-e-tar = wet eyes, tashna (or tishna ) = thirsty ];[ hanoz = yet/still ];[ nai_rang = fascinating ];[ uzr = excuse, waamaaNdagee = tiredness ];[ rizwaaN = doorkeeper of paradise, KHuld = heaven/paradise ];[ koocha = a narrow street/lane, gumgashta = missing ];[ dasht = desert ];[ sang = stone ]

  12. #12
    ● Positive & Inspired ● Major Singh_king's Avatar
    Join Date
    Oct 2008
    Posts
    5,711
    Rep Power
    48

    Lightbulb MeharbaaN ho ke...

    meharbaaN ho ke bulaa lo mujhe chaaho jis waqt
    maiN gayaa waqt nahiN hooN ke phir aa bhi na sakooN

    zauf meiN taanaa-e-aGHyaar ka shikwaa kyaa hai?
    baat kuchh sar to nahiN hai ke uThaa bhi na sakooN


    zahar miltaa hi nahiN mujhko sitam_gar warnaa
    kyaa qasam hai tere milne ki ke khaa bhi na sakooN



    [ zauf = weakness, taana = taunt, aGHayaar = enemy, shikawa = complaint ];[ sitamgar = oppressor ]

  13. #13
    ● Positive & Inspired ● Major Singh_king's Avatar
    Join Date
    Oct 2008
    Posts
    5,711
    Rep Power
    48

    Smile

    These are my favorites and since Invincible had already contributed the best of Ghalib....I would restrict myself to these few only.....



  14. #14
    SB King Field Marshal
    Join Date
    Dec 2007
    Location
    SBF
    Posts
    99,526
    Rep Power
    95

    Default


    reppz added
    i dunno how my replies got deleted from here


Similar Threads

  1. mirza ghalib
    By invincible07 in forum General Discussion
    Replies: 122
    Last Post: 13-05-2008, 01:23 PM
  2. Shero-Shayari-II
    By A! in forum General Discussion
    Replies: 207
    Last Post: 13-10-2007, 11:46 AM
  3. Kiya ISHQ mujh hi say kertay ho ... ?
    By Jalpari in forum General Discussion
    Replies: 20
    Last Post: 02-06-2007, 12:22 PM
  4. Deewan - Sonu Nigam
    By boxroot in forum Music
    Replies: 0
    Last Post: 12-04-2007, 09:38 PM

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •